Kuri uyu wa gatanu ku itariki 31 Ukwakira 2025, abakozi b’Ikigega Cyihariye cy’Ingoboka(SGF) bahuriye mu mukino wa gicuti wa volley ball. Iki gikorwa cyateguwe mu rwego rwo gushimangira ubusabane no kwitegura amarushanwa mu mukino wa volley ball bazahuriramo n’ibindi bigo.

Umuyobozi mukuru w’agateganyo wa SGF madamu Florence Nibakure, yashimiye abakozi bitabiriye iki gikorwa, abasaba gukomeza kujya bitabira ibikorwa bya siporo kuko ari ingirakamaro ku buzima, bikaba binongera ubusabane mu bakozi, n’akazi kakagenda neza. Yashimiye Rwigema ku mikorere myiza yamuranze mu gihe yari amaze akora muri SGF, amwifuriza ishya n’ihirwe muri gahunda z’ibyo ateganya mu kiruhuko cy’izabukuru agiye gutangira.

Rwigema Jean Bosco yashimiye ubuyobozi bwa SGF n’abakozi bagenzi be ku bufatanye n’imikoranire myiza bamugaragarije mu gihe cyose yamaze akorera ikigo, abifuriza gukomeza gukora bashyize hamwe.