Kuri iki cyumweru ku itariki ya 23 Gashyantare 2025, kuri petit stade I Remera hasorejwe amarushanwa ahuza ibigo by’amashuri yateguwe na federasiyo y’umukino wa volley ball mu Rwanda ku nkunga y’Ikigega Cyihariye cy’Ingoboka(SGF). Mu cyiciro cy’abakobwa, igikombe cyatwawe na Saint Aloys Rwamagana, naho mu bahungu gitwarwa n’ikipe ya Gisagara volley ball club.

Icyi cyiciro cya nyuma cy’amarushanwa cyasojwe,cyari cyatangiye ku itariki 22/2/2025. Abakinnyi bakitabiriye, abarezi mu bigo bigaho babaherekeje,abafana babo ndetse n’abayobozi mu nzego zitandukanye bitabiriye iyi mikino,  basobanuriwe serivisi zitangwa na SGF, bahabwa ubutumwa bubakangurira kwirinda impanuka no gufata ubwishingizi ku bafite ibinyabiziga.