Ku cyumweru ku itariki 17/11/2024 hasojwe imikino ya sitting volley ball icyiciro cya 2. Iyi mikino iterwa inkunga n’Icyigega Cyihariye cy’Ingoboka (SGF) yatangijwe kuwa 16 Ugushyingo2024, yabereye mu karere ka Gasabo kuri petit stade Remera. 

Aya marushanwa yitabiriwe n’amakipe y’abagabo n’abagore bo mu cyiciro cya 1 n’icya 2 yaturutse mu turere dutandukanye. Iyi mikino yitabiriwe n’abayobozi b’ishyirahamwe y’imikino y’abafite ubumuga mu Rwanda (National paralympic committee of Rwanda:NPC Rwanda), ndetse n’umuyobozi w’ishami ry’imari n’imiyoborere muri SGF  madamu Uwamariya Rose. Aba bayobozi bashimiye amakipe yitabiriye iyi mikino, babasaba kwitegura neza imikino y’icyiciro cya 3 iteganyijwe kuzabera mu karere ka Gisagara mu kwezi kwa 1 mu mwaka utaha wa 2025.