Mu irushanwa ry’Igikombe cy’Intwari muri sitting volley ball ikipe y’Akarere ka Nyarugenge mu bagore na Musanze mu bagabo, ni zo zahize izindi maze zegukana ibikombe.

Aya marushanwa yatangiye kuwa gatandatu, tariki ya 7 Gashyantare 2026, asozwa ku cyumweru tariki ya 8 Gashyantare 2026, ku kibuga cya Petit Stade I Remera. Iki gikorwa cyateguwe na Paralympic Committee (NPC) ku bufatanye n’urwego rw’intwari z’igihugu, imidari n’ishimwe (CHENO), mu rwego rwo kuzirikana intwari zitangiye igihugu.

Special Guarantee Fund, umufatanyabikorwa n’umuterankunga wa NPC, yitabiriye iyi mikino mu rwego rwo gushyigikira gahunda zo kwimakaza ubutwari, no kumenyesha abitabiriye iki gikorwa serivisi zayo.

Uyu munsi mukuru ngarukamwaka wizihizwa ku itariki ya 1 Gashyantare,uw’uyu mwaka ufite insanganyamatsiko igira iti“Ubutwari n’Ubumwe bw’Abanyarwanda, Inkingi z’Iterambere.”