Ku cyumweru tariki 3 Ugushyingo 2024, kuri King fisher resort Muhazi/Rwesero hasojwe agace ka mbere ka shampiyona y’igihugu ya beach volley yari yataktangiye kuwa gatanu tariki 01 Ugushyingo 2024. Iyi mikino yitabiriwe n’umuyobozi w’ishami rishinzwe Imari n’Imiyoborere (DAF) muri SGF madamu Uwamariya Rose wari uhagarariye SGF nk’umufatanyabikorwa ndetse n’umuterankunga wa federasiyo ya volley ball (FRVB). Mu bagabo ikipe ya Ntagengwa Olivier na Gatsinzi Venuste niyo yatsinze, naho mu bagore hatsinda iya Munezero valentine na Mukandayisenga Benitha.

Madamu Rose Uwamariya, umwe mu bayobozi batanze ibihembo ku makipe yitwaye neza yashimiye abateguye iyi mikino, amakipe yitabiriye ndetse n’abatsinze kuri icyi cyiciro cy’amarushanwa. Asobanura ko SGF yitabira iyi mikino ikanagira uruhare mu migendekere myiza yayo, hagamijwe kwegera abafatanyabikorwa n’abagenerwabikorwa. Ndetse no kumenyekanisha serivisi za SGF.

Biteganyijwe ko ibyiciro bizakurikiraho bizakinwa ku itariki 3-5 Mutarama 2025 no kuri 16-18 Kamena 2025.